اٹک کی خبریں
ندیم رضا خان
اٹک (نامہ نگار)ضلع ناظم اٹک میجر طاہر صادق نے کہا ہے کہ کالا باغ ڈیم تعمیر کیئے بغیر سستی بجلی کے بحران پر قابو نہیں پایا جا سکتا کا لا باغ ڈیم پاکستان کی معیشت اور استحکام کی ضمانت ہے اس کی تکمیل کئے بغیر بجلی کے مسائل حل نہیں ہونگے بلکہ بجلی پندرہ روپے یونٹ تک چلی جائے گی اقتدار کی نچلی سطح تک منتقلی کے نظام کو آئین کے شیڈول چھ کے تحت تحفظ حاصل ہے جس میں ترمیم کے لئے دو تہائی اکثریت اور صدر کی منظور ی شامل ہے وزیر اعلیٰ پنجاب دوست محمد کھوسہ کے احکامات کہ پنجاب کے تمام بلدیاتی اداروں کا ریکارڈ سیل کر دیا جائے اور آڈٹ کے لئے باہر سے خصوصی ٹیمیں بلوائی جائیں گی سے واضح ہو تا ہے کہ وزیر اعلی ٰ پنجاب نے 2001کا بلدیاتی آرڈیننس نہیں پڑھا ہر محکمہ میں آڈٹ اس کے بعد ڈسٹرکٹ اکاؤنٹس آفس میں آڈٹ کا نظام موجو دہے تا ہم حکومت کی جانب سے اسپیشل آڈٹ کرانے کے اقدام کو خوش آمدید کہا جا ئے گا ان خیالات کا اظہار انہوں نے ڈسٹرکٹ گورنمنٹ اٹک کے گیسٹ ہاؤس ( سابق چیئرمین ہاؤس ) میں پر ہجوم پریس کانفرنس سے خطاب کر تے ہوئے کیا اس موقع پر تحصیل ناظم اٹک قاضی خالد محمود ، تحصیل ناظم حضرو رضا خان بھی موجود تھے ضلع ناظم اٹک نے کہا کہ بطور ضلع ناظم ان کے پاس کسی قسم کے کوئی مالی اختیارات نہیں ہیں قانوناً کوئی فائل ایسی نہیں جس پر ان کی منطوری درکار ہوتی ہو تمام سکیمیں ہاؤس پا س کر تا ہے اور اس کے بعد فنڈز کا اجرا ء کیا جا تا ہے اس میں بھی ضلع ناظم کا کوئی عمل دخل نہیں ہوتا ضلع ناظم کی حیثیت سے مالی اختیارات صرف قیدیوں کی فلاح و بہبود کے لئے کام کر نے والی جیل کمیٹی کی جانب سے کسی مسئلے کی نشاندہی پر ضلع ناظم مالی معاملات پر کسی قسم کی منظوری دیتا ہے 14اگست2001سے نافذ العمل موجودہ بلدیاتی نظام کے ذریعے پاکستان کے چاروں صوبوں میں جس رفتار سے ترقی اور عوام کے مسائل ان کی دہلیز پر حل ہوئے ہیں ان کی نظیر گزشتہ 61سال میں نہیں ملتی ضلع ، تحصیل اور یونین کونسلوں کی سطح پر ہونے والے کاموں کی اعتراف مخالفین بھی کر تے ہیں دوسری مرتبہ ہونے والے بلدیاتی انتخابات میں دوبارہ منتخب ہونا ہمارے کاموں کے عوامی تائید کا واضح ثبوت ہے پیپلز پارٹی اور مسلم لیگ (ن) کی حکومتیں ملک میں عدم استحکام اور بلدیاتی نظام میں تبدیلی کے لئے سر گرم ہیں ل تاہم ان کی اس کوشش کو کامیاب نہیں ہونے دیا جائے گا ہمارے دفاتر عام آدمی کے لئے ہر وقت کھلے رہتے اور کوئی دربان نہیں تھا بلدیاتی نظام کو ختم کر نے کی کوشش پر عدالتی چارہ جوئی کر نی پڑی تو اس سے گریز نہیں کیا جائے گا آڈٹ کرانے کی آڑ میں جاری منصوبوں کو روکنے سے مسائل میں اضافہ اور قومی دولت کا ضیاع ہوگا ہم نے از خود ضلع اٹک کے تمام سرکاری اداروں کا دائریکٹر جنرل آڈٹ سے جو ن 2007تک کے منصوبوں کا آڈٹ کرایا ہے اس میں کوئی قابل ذکر اعتراض سامنے نہیں آیا باہر سے آڈٹ کرانے کا اعلان مسلم لیگ (ن) اور پیپلز پارٹی کی قیادتوں کا نفسیاتی عمل ہے کیونکہ ان دونوں جماعتوں کی قیادت طویل عرصے تک بیرون ملک مقیم رہی اب یہ ہر چیز چاہے وہ محترمہ بے نظیر بھٹو کے قتل کی تحقیقات ہوں یا بلدیاتی اداروں کا آڈٹ یہ باہر ہی کی ٹیموں سے کرانا چاہتے ہیں انہوں نے کہا کہ موجود ہ حکومت کو عوام نے جو مینڈیٹ دیا ہے وہ عوام کو ریلیف دیں آٹے، چاول ، بجلی ، گیس ، پٹرول ، ڈیزل کے بحران اور بڑھتی ہو ئی بے روزگاری اور مہنگائی سے عوام کو نجات دلائیں سرکاری اداروں کا ریکارڈ سیل کر نے کی کوشش غیر مہذب اور غیر قانونی عمل ہے یہ بات معمہ ہے کہ یہ ریکارڈ کس کے پاس رہے گا اور اس میں ہونے والی دانستہ تبدیلی ، کمی بیشی یا اس کو نقصان پہنچانے کے عمل کاذمہ دار کون ہو گا ضلع ناظم نے کہا کہ ہماری جماعت مسلم لیگ (ق)جامعہ حفصہ ، لال مسجد ،12مئی اور الیکشن سے چند روز قبل پیدا ہونے والے آٹے ، بجلی ، اور گیس کے بحرانوں کی وجہ سے ضرور شکست سے دوچار ہوئی لیکن اسے بڑی شکست کہنا قطعاً مناسب نہیں الیکشن سے قبل تمام بحرانوں کی ذمہ دار مسلم لیگ (ق) کو قرار دیا جار ہا تھا اور آج ان بحرانوں کا ذمہ دار کون اس کا فیصلہ عوام کو کر نا چاہیے مسلم لیگ (ق) کی حکومت نے بجلی کے بحران پر قابو پانے کے لئے بھاشا، دیا میر ، اکھوڑی ڈیم کے علاوہ کئی چھوٹے ڈیموں پر کام کا آغا ز کیا تھا جبکہ کالا باغ ڈیم پر بھی تعمیر کا ارادہ تھا تاہم قومی مفاہمت نہ ہونے کی بنا ء پر یہ بہترین منصوبہ ختم کر نا پڑا سابق وزیر اعلیٰ پنجاب چوہدری پرویز الہی نے باقاعدہ سرکاری لیٹر کے ذریعے سابق وزیر اعظم شوکت عزیز کو گندم کی بیرون ملک فروخت سے ملک میں پیدا ہونے والے بحران سے آگاہ کیا تھا تا ہم ان کے غلط فیصلے نے مسلم لیگ (ق) کی حکومت کا گراف نیچے گرایاکیونکہ وہ سیاسی آدمی نہیں تھے کیونکہ ان کا پاکستان میں ووٹ تک درج نہیں تھا ان کو صدر پرویز مشرف معیشت مضبوط کر نے کے لئے لائے تھے تا ہم ان کے تمام غلط فیصلے مسلم لیگ (ق) کے کھاتے ڈالے جا رہے ہیں یہی پروپیگنڈا ہماری شکست کا سبب بنا تاہم مسلم لیگ (ق) کو ملنے والے ووٹوں کی تعداد پیپلز کے بعد سب سے زیادہ ہے جبکہ مسلم لیگ (ق) کے صدر چوہدری شجاعت حسین نے ہمیشہ عوامی جذبا ت کو مد نظر کو آواز حق کو بلند کی جس کی مثال سانحہٴ لال مسجد، جامعہ حفصہ اور دیگر واقعات ہیں #
اٹک (نامہ نگار)اٹک میں ٹیانشی انٹر نیشنل (ٹائنز) کے زیر اہتمام منی بی بی ایس کے نام سے سیمینار کا انعقاد کیا گیا جس میں کمپنی کے کامیاب برونز لائن نوید مشتاق اور 8سٹار ظاہر شاہ نے 400کے قریب نوجوان خواتین و حضرات جن میں اکثریت بے روزگاروں کی تھی کو کمپنی کے مقاصد سے آگا ہ کیا اور کمپنی کے ساتھ کام کر نے والے کامیاب لڑکے لڑکیوں کی حوصلہ افزائی کے لئے انعامات تقسیم کئے تقریب کے مہمان خصوصی نوید مشتاق نے حاضرین سے خطاب کر تے ہوئے کہا کہ دنیا کے جتنے ممالک نے ترقی کی اگر اس پر غور کیا جائے تو اس کے پیچھے قدرتی وسائل کا صحیح استعمال کار فرما ہے بد قسمتی سے مسلم ممالک کے پاس قدرتی وسائل 65فیصد موجود ہیں لیکن وہ اسے صحیح طرح سے استعمال کر کے ترقی کی دوڑ میں شامل نہیں ہو رہے اس موقع پر پروگرام ک کنوینئیر 6سٹار انجم مختار نے بھی خطاب کیا اور حاضرین کو کمپنی اغراض و مقاصد سے آگاہ کیا
#اٹک (نامہ نگار)آوارہ گردی سے منع کرنے پر چار افراد نے چوکیدار کو زخمی کردیا تفصیلات کے مطابق نور محمد افغانی نے تھانہ سٹی میں بیان دیا کہ میں محلہ بجلی گھر اور امین آباد میں چوکیداری کرتاہوں رات سارڑھے دس بجے محمد نیاز، شہباز اور نامعلوم نوجوان آوارہ گردی کر رہے تھے جن کو میں نے منع کیا تو انہوں نے مجھے آہنی راڈ سے حملہ کر کے زخمی کر دیا ۔ پولیس نے مقدمہ درج کرکے تفتیش شروع کر دی #
اٹک (نامہ نگار)پانچ افراد نے ڈنڈوں لات مکو ں سے وار کر کے تین افراد کو خمی کر دیا تفصیلات کے مطابق محمد اسلم سکنہ پنڈ سلطانی اپنے بھائی اور اہل خانہ کے ہمراہ گند م کاٹنے کے بعد کھانا کھانے میں مصروف تھے کہ اسی اثناء میں محمد انور ، محمد باسط اور آزاد ان کے خیمے میںآ گئے اور آتے ہی ڈنڈوں سے وار کر محمد اکرم، محمد سلیما ن کو زخمی کر دیا ۔ محمد سلیم سکنہ ترگڑ کے پوتوں محمد عمران ، بشارت علی پسران محمد اقبال نے برابھلاکہامحمدسلیم نے ان کوگلہ دیاتومحمدعمران اوربشارت علی دیوارپھلانگ کران کے گھرداخل ہوگئے ڈنڈے سے وارکرکے امین کوزخمی کردیاتھانہ بسال پولیس نے مقدمہ درج کرکے تفتیش شروع کردی ہے #
اٹک (نامہ نگار)کنزلایمان ویلفئیرسوسائٹی رجسٹرڈاٹک کے زیراہتمام نعتیہ مقابلہ تحصیل جنڈ کے گورنمنٹ ،پرائیویٹ ہائی سکولزکے مابین 2مئی بروز جمعہ صبح 9بجے بسال ہاوٴس جنڈشہرمیں منعقدہوگااس تقریب کے مہمان خصوصی سردارممتازخان آف بسال ہوں گے #
اٹک (نامہ نگار)ضلع حکومت اورتحصیل کونسلوں کے آڈٹ کاعمل شفاف اورمنصفانہ ہوناچاہیے کروڑوں روپے کے ترقیاتی کاموں کاحساب قومی مفادمیں نہایت سخت ہوناچاہیے ان خیالات کااظہارسماجی کارکن منشی محمدنوازاپنے ایک تحریری بیان میں کیاہے انہوں نے کہاکہ قوم کایہ پیسہ قومی مفادمیں خرچ کیاجائے ذاتی مفادکیلئے خرچ نہیں ہوناچاہیے #
اٹک (نامہ نگار)ای ڈی اوہیلتھ محمدحسین نقوی نے کہاہے کہ محکمہ صحت اٹک کاقبلہ درست کرنے کیلئے کسی قسم کادباوٴ برداشت نہیں کیاجائے گاان خیالات کااظہارانہوں نے مقامی اخبار نویسیوں سے ملاقات کے دوران کیاانہوں نے کہاکہ وہ کسی دباوٴ اورغلط سفارش کے بغیرمحکمہ صحت کے بگڑے نظام کوٹھیک کرنے کیلئے اپنی تمام صلاحیتیں بروئے کارلائیں گے سرکاری امورکے علاوہ محکمہ صحت کی گاڑی استعمال کرنے والے اہلکاراورافسرکے خلاف سخت ایکشن لیاجائے گامحکمہ صحت کی گاڑی خراب ہونے کی صورت میں پرائیویٹ ورکشاپوں کی بجائے سرکاری مکینک سے ٹھیک کرائی جائے گی انہوں نے محکمہ صحت کے ڈرائیوروں پرزوردیاکہ وہ صرف سرکاری کاموں کی انجام دہی کریں اورکسی پرائیویٹ کام کیلئے صاف انکارکردیں ورنہ پکڑے جانے کی صورت میں قانونی کاروائی بھگتناہوگی #
اٹک (نامہ نگار)ضلعی رابطہ آفیسر کیپٹن ریٹائر ثاقب ظفر تحصیل حسن ابدال میں کنوئیں کی کھدائی کے دوران زہریلی گیس سے چار مزدوروں کی ہلاکت کے بارے میں بعض اخبارات میں ضلعی انتظامیہ کی غفلت کے بارے میں شائع ہونے والی خبر کی وضاحت کر تے ہوئے کہا ہے کہ جونہی حادثے کی اطلاع انہیں ملی انہوں نے ڈی ڈی او آر/سپیشل مجسٹریٹ کی سربراہی میں ریسکیو ٹیم جن میں تحصیلدار حسن ابدال اور محکمہ مال کے اہلکار شامل تھے جائے حادثہ پر روانہ کی اور ریسکیو کے انتظامات کو مزید بہتر بنانے کے لئے 1122ریسکیو راولپنڈی کے ڈاکٹر تنویر احمد سے رابطہ کر کے ریسکیو گاڑی جائے حادثہ پر پہنچانے کی اپیل کی جس کی رہنمائی کے لئے پٹواری موضع حسن ابدال کو حسن ابدال جی ٹی روڈ پر رہنمائی کے لئے متعین کیا گیا قبل ازیں حادثے میں جاں بحق ہونے والے دو افراد کو ہسپتال پہنچایا گیا جبکہ ریسکیو 1122کی ٹیم اور اہل دیہہ نے ضلعی انتظامیہ کے اہلکاروں کی مدد سے دیگر دو افراد غلام قادر اور محمد عرفان کو کامیابی سے کنوئیں سے نکال لیا اب ان دونو ں افراد کی حالت خطرے سے باہر ہے پریس ریلیز پر ڈسٹرکٹ آفیسر ریونیو چوہدری ذوالفقار احمد کے دستخط موجود ہیں #
Subscribe to:
Post Comments (Atom)
No comments:
Post a Comment